معني الرموز الموجودة علي الأطارات ؟ و افضل الشركات المنتجة لها ؟

معني الرموز الموجودة علي الأطارات ؟ و افضل الشركات المنتجة لها ؟
معني الرموز الموجودة علي الأطارات ؟ و افضل الشركات المنتجة لها ؟
معني الرموز الموجودة علي الأطارات ؟ و افضل الشركات المنتجة لها ؟

السؤال المعتاد ايه افضل نوع كاوتش الاهم  اعرف كاوتشك و ايه هو افضل كاوتش بناء علي استخدامك و سواقتك انت انت اللي بتختار المناسب ليك و هنقولك علي كام حاجة علشان تشتري صح

دائما بنشوف الرموز دي علي الكاوتش بتاعك
R 15 \ 195 \ 60 H

طيب مسالتيش نفسك ليه و انت بتلف تدور علي كاوتش ممكن تلاقي عند محل ارخص من التاني

غالبا اللي بيغلي بيغلي في المعقول مش بيطفش  العميل و غالبا  الارخص هو الاقل جوده  فلازم  نهتم بمعرفة  ايه  الكلام اللي علي الكاوتش ده

195
ده عرض الكاوتش و ده هيفرق معاك في الاتزان للعربية و عمر الاطار نفسه انه ميتاكلش بسرعة

60
ده نسبة ارتفاع الكاوتش ( اوعي يتغير الرقم بين الاربع كاوتشات  لانه هيقلل الاتزان و هيعوم العربيه )

15
ده قطر الجنط بتاعك بالانش

و نوصل لاهم نقطة وهي حرف H

ده بيدل علي اقصي سرعة يتحملها الكاوتش

هناك العديد من أنواع إطارات السيارات المختلفة التي يُمكنك أن تتعرف على جميعها، ولكن لكل سيارة نوع معين أو مخصص لها وهناك سيارات من الممكن أن تسير بأكثر من نوع من الإطارات، ولكن في النهاية يجب أن تحصل على إطار سيارة ذات جودة عالية بالإضافة إلى سعر قليل وهذا ما يبحث عنه الجميع، تلك الباقة من أفضل إطارات السيارات في السوق:

1) ميشلان
2) بريدجيستون
3) جود يير
4) بيريللي
5) كونتينينتال

سنه الانتاج مكتوبة بالصيغة الاتيه علي الكاوتش

السنه 52 اسبوع
فمثلا هتلاقي  1415
اول رقمين ترمز الي الاسبوع و تاني رقمين يرمز الي السنه يعني انتاج الكاوتش للرقم دة  يبقي الاسبوع ال 14 ( نصف شهر مارس ) من سنة  2015

من الافضل دائما انك تشتري كاوتش معداش علي انتاجها 18 شهر علشان المطاط بيبداء يفقد خواصة بعد 3 سنوات الي 5 سنوات

اسباب تلف الكاوتش

البلالين بتحصل لما الكاوتش ضغطه بيكون غير مظبوط  ويتزنق بين الجنط و الرصيف  او مطب او حفرة عكسية  او اسمنت بايظ علي الطريق

ازاي تقدر تحافظ علي الكاوتش ؟

اظبط هواء العجلة كل 10 ايام ( يعني  3 مرات في الشهر  )

نصيحة : متسترخصش في سلامتك و دور كويس واعرف و متخليش حد يضحك عليك
افضل كاوتش علي حسب امكانياتك المهم تاريخ الانتاج

Leave a Reply

Your email address will not be published. Required fields are marked *